Një shpërthim brenda një Universiteti privat në rrugën e Rinasit ka ndodhur mbrëmjen e kësaj të enjte.
Mësohet se shpërthimi ka ndodhur në kuzhinën e mencës së Universitetit.
Policia sqaron se ka qenë një bombul gazi e cila pasi ka rrjedhur nga marrë flakë.
Fatmirësisht nuk raportohet për persona të lënduar, por vetëm për dëme materiale.
SYRI sjell pamjet e para nga vendi i ngjarjes.
Tiranë/ Informacion paraprak
Me datë 09.12.2021, rreth orës 20:35, në rrugën e "Rinasit", ka ndodhur një shpërthim në një godinë të një subjekti privat, konkretisht në kuzhinën e mencës, ku ka vetëm dëme materiale.
Paraprakisht dyshohet se ka shpërthyer një bombul gazi si pasojë e rrjedhjes së gazit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të shpërthimit.
© SYRI.net