Dyshohet se automjeti vinte nga zonat pyjore të Elbasanit. Makina  u shoqërua nga efektivë policie dhe u dërgua në një pikë bllokimi. Në automjet është vetëm shoferi. Pritet në orët në vijim njoftimi i Policisë për të sqaruar situatën.

Fillimisht Policia tha se “në zbatim të planit të masave për parandalimin dhe goditjen e krimeve mjedisore, specialistët për Hetimin e Krimit Ekonomik e Financiar në DVP Elbasan, si dhe Inspektorë të Mbrojtjes së Mjedisit kanë verifikuar dokumentacionin e mjetit tip “Kamion” të ngarkuar me lëndë drusore në llogari të kompanis “Duraku-A” i cili ka figuruar në rregull dhe me dokumentacionin përkatës nga organet përkatëse.”