Në sytë e të gjithë banorëve të zonës së Greçallisë në Fier dallohet merzitja dhe trishtimi pas ngjarjes së rëndë ndodhur në fshatin e tyre ku një fëmijë 8-vjeçar u masakrua.

Të gjithë kërkojnë vetëm një dënim, varje për autorin Klodian Çalamani.

Daja i vogëlushit Mateo ndodhet pranë familjes në këto ditë të zeza për ta. Apeli i tij në mikrofonin e Syri TV është vetëm varje për autorin, nuk kërkon asgjë tjetër.

“Nga shteti kërkojmë vetëm varje. S’ka ligje. Apeli im më i madh është nxirreni aty në mes të Fierit ta varin, asgjë tjetër. Ky është apeli i fundit. Shteti do ta marrë, do ta nxjerrë prapë. Unë nuk di gjë për motivin”, thotë Nikolin Braja me lot në sy e mjekrën që i dridhet.