Një person i pajetë është gjetur mëngjesin e sotëm  në fshatin Gjashtë, bashkia Sarandë. Nga hetimet e para identifikohet se personi është Spiro Denjeli, 76 vjeç, me origjinë nga Fushëkruja por që jetonte i vetëm në fshatin Gjashtë.

76 vjecari është gjetur nga një banor i zonës. Dyshohet vdekja të ketë ndodhur mëngjesin e sotëm. Burimet shpjegojnë se ai nuk kishte shënja dhune në trup.

Trupi i tij është transportuar në morgun e spitalit për t’ju nënshtruar ekspertizës për tē përcaktuar shkakun e vdekjes. 76-vjecari prej dy vitesh jetonte i vetëm pas divorcit me gruan e vet, ku kjo e fundit jeton së bashku me fëmijët nē Greqi.