Policia e Fierit ka arrestuar një person dhe ka proceduar një tjetër pasi akuzohen për veprën penale "Organizim i lotarive të palejuara."
Blutë e Fierit informojnë se në lagjen "Apollonia", në lokalin e shtetasit Sh. B., shtetasi B. V., i cili punonte si kamarier, u kap në flagrancë me një telefon celular me të cilin dyshohet se ushtronte aktivitet të paligjshëm të lojërave të fatit dhe basteve sportive.
Ne vijim të operacionit u bë arrestimi i shtetasit B.V., 30 vjeç, banues në Patos për veprën penale "Organizim i lotarive të palejuara" dhe u procedua penalisht shtetasi Sh. B., banues në Fier, për veprën penale "Vënia në dispozicion e lokaleve për lojëra të palejuara".
Materialet i kaluan Prokurorisë, për veprime të mëtejshme procedurale.
© SYRI.net