Rritja e papunësisë dhe arsimi minimal në qytetin e Lezhës po shtyn shumë të rinj ta shikojnë vjedhjen si një mënyrë mbijetese. Banorët të intervistuar nga SYRI TV i bëjnë thirrje policisë dhe organeve kompetente të marrin masa pasi deri më tani pavarësisht numrit të lartë të grabitjeve askush nuk është arrestuar.

Nga SYRI TV

Ky fenomen gjithnjë e në rritje  po ‘zbraz’ disa fshatra në Lezhë, ndërsa banorët janë vënë në alarm.

Ditët e fundit hajdutët kanë bërë kërdinë në Tale të Lezhës, duke plaçkitur shumë shtëpi dhe duke iu marrë qytetarëve sende më vlerë. Banorët tregojnë se janë detyruar të bëjnë vetë roje për të mbrojtur pronat e tyre ndërsa tregojnë se thuajse çdo natë në këtë zonë denoncohet një vjedhje, por policia ende nuk ka zbardhur asnjë ngjarje.

Ky fenomen vijon të jenë shqetësim thuajse në të gjitha fshatrat e Lezhës dhe pavarësisht denoncimeve në policisë të rasteve, dokumentimi dhe arrestimi i autorëve është në nivele të ulëta.