Një nga bandat më brutale e të miturve në Athinë e quajtur 'Familja e Huliganëve Kolonos” është përgjegjëse sipas Policisë për sulmin dhe plagosjen e rëndë të studentes 17-vjeçare më 25 tetor shkruajnë mediat greke.

Tre të mitur, një 15-vjeçar rumun , një 17-vjeçar shqiptar dhe një 16-vjeçar grek, u arrestuan si pjesë e një operacioni të koordinuar nga ana e punonjësve të policisë të akuzuar si  anëtarë të një bande të miturish.

Jnaë identifikuar dhe katër anëtarë të tjerë të bandës.

Ndaj tyre është ngritur kallëzim penal si vrasje e mbetur në tentativë, tentativë për plagosje të rëndë, armë mbatje pa leje.

Kronika

Në veçanti, nga hetimi u zbulua se të pandehurit e mitur kishin krijuar dhe bashkuar një bandë me veprime të vazhdueshme dhe role diskriminuese. 

Ata kishin një emër specifik dhe një strukturë specifike, në krye të së cilës, si drejtues dhe organizator i sulmeve, ishte 17-vjeçari shqiptar.

Ky grupi kriminal vepronte kryesisht në qendër të Athinës dhe më konkretisht në zonat e Agios Panteleimon, Sepolia dhe Kolonos. 

Çdo sulm kishte për qëllim marrjen e sendeve personale të viktimave, si dhe shfaqjen e forcës dhe epërsisë duke shkaktuar lëndime trupore.

Grupi në Facebook
Përmes bisedës në grup në një faqe në rrjetet sociale organizoheshin sulmet dhe përcaktoheshin lëvizjet e secilit anëtar (veprimet përgatitore etj.)

 Sulmet e tyre bazoheshin gjithmonë në epërsinë e tyre numerike, për të siguruar rezultatin e tyre, ndërsa mbanin me vete një sërë sendesh të mprehta, gjë që e bënte veprimin e tyre jashtëzakonisht të rrezikshëm. 

Përveç kësaj, dhe për arsye të shfaqjes së forcës së bandës, ata regjistronin shumicën e sulmeve të tyre në video.