Itali - Një operacion blic i doganierëve dhe zyrtarëve të financave për kontrollin e pasagjerëve zbuloi mish dhe produkte qumështi të importuara nga Shqipëria pa etiketim malli dhe origjinë.
Pesë kilogramë mish dhe tre kilogramë produkte qumështi, të gjitha materiale potencialisht të rrezikshme u sekuestruan nga doganierët italianë dhe do të shkatërrohen.
Operacioni u kryhet nga zyrtarët e doganës së Perugias në bashkëpunim me policisë financiare në aeroportin 'San Francesco d'Assisi' pas kontrollit të pasagjerëve që vinin me një avion nga Tirana, kryeqyteti shqiptar.
Sekuestrimi
Në dy bagazhe të shtetasve shqiptarë me banim në provincën e Perugias, kishte materiale pa etiketime dhe dokumente që të tregonin origjinën e tyre, gjurmueshmërinë. Jo vetëm kaq: atyre u mungonin çertifikatat e kërkuara nga ligji për futjen e produkteve ushqimore në territorin e Bashkimit Evropian.
"Kontrolli është pjesë e - kujton Agjencia - në kontekstin më të gjerë të mbikëqyrjes doganore në aeroportin e Umbrias , e luftimit të substancave të paligjshme të drogës, qarkullimit të monedhës, falsifikimit të produkteve si dhe futjes, nga vendet e tjera të BE-së, të produkteve ushqimore që nuk përputhen me rregulloret e sektorit dhe nuk kanë çertifikimin e kërkuar shëndetësor, një aktivitet që, pavarësisht vazhdimësisë së emergjencës epidemiologjike, vijon në mënyrë të qëndrueshme, në formën e kontrolleve të pasagjerëve në fluturimet e planifikuara dhe jo të planifikuara.
© SYRI.net