Gjëtë ditës së sotme u njoftua edhe ndryshimi i kreut të kadastrës së Vlorës por edhe mberritja në këto zyra e hetuesve të SPAK.

Ndërkohë në afërësi të godinës ka me dhjetra qytetarë që presin që hallet dhe kërkesat e tyre të marrin zgjidhje.

Qytetarët jashtë ambienteve të zyrës së Kadastrës së Vlorës, thonë se nuk gjejnë dot zgjidhje për problemet që ato kanë e prej kohësh orvaten dyerve të hipotekës për pronat e tyre.

I gjetur pa një përgjigje për problemin e tij, një qytetar ka hipur mbi kangjellat rrethuese të murit të zyrës së Kadastrës, dhe ka tentuar të futet brenda, por nuk është lejuar. Ai thotë, teksa ulëret se ka muaj që e sorollasin pasi sipas tij duan lekë.

‘Janë të poshtër, çfarë duan pse na sorollasin. Kam 6 muaj me këtë punë, që të marr një dokument të vogël! Nuk kemi lekë t’i korruptojmë! Vetëm lëkura na ka mbetur.’- tha qytetari.

Ndërkohë që një tjetër tregon se ka 3 vite që kërkon çertifikatën e banesës dhe nuk po e merr.

‘Kam 3 vite që kërkoj certifikatën e shtëpisë. Nuk do Besa Xhaferri, po si pagove nuk ta bëjnë. Kam tre vite që kërkoj çertifikatën e shtëpisë time në fshatin Tragjas në Vlorë. Fjala e fundit nuk dua! Është i 14 që ndërroj këtu. Hajdeni me mua e dëgjojeni, nuk dua me thonë. Në thamë shpëtuam nga burokracia, por na kanë zënë frymën.’- tha një qytetar.

‘Janë të korruptuar edhe murët e hipotekës dhe muret edhe pllakat.’- dëgjohet një zonjë duke ulëritur.