Njëzetë persona janë helmuar në Durrës nga ushqimio që kshin konsumuar gjatë një ceremonie martesore në një prej restoranteve të qytetit të Durrësit. Policia ka arrestuar pronarin e lokalit dhe kuzhinierin, ndërsa po punohet për zbuluar se cili nga ushqimet ka pasur probleme kontaminimi.

Pakujdesia e një biznesi në Qytetin e Durrsit ka cuar në helmimin e të paktën 20 personave të cilët kishin konsumuar ushqime në restorant, gjatë një ceremonie martesore.

Bluzat e bardha bëjnë me dije se këta qytetarë janë paraqitur me shenja helmimi në urgjencën e Spitalit Rajonal të Durrësit, ndërsa blutë e këtij qyteti raportojnë për 5 persona që qëndrojnë ende në ambientet e urgjencës, gjendja shëndetësore e të cilëve është më e rëndë.

Dasma është organizuar në lokalin “Delta Event”, që gjendet në afërsi të autostradës Tiranë-Durrës, ndërsa policia bën të ditur se janë arrestuar pronari i këtij biznesi, Pajtim Kaçani dhe kuzhinieri Bledar Hasa.

Ndërkohë SYRI TV ka siguruar edhe dëshminë e pronarit të lokalit ku sipas tij transporti I ushqimeve është bërë brenda normave dhe çdo produkt ka qenë i freskët. Edhe  Kuzhinieri Bledar Hasa ka deklaruar se gatimi I ushqimit është bërë në mënyrë korrekte dhe se produktet kanë qenë të freskëta.

Mbetet e paqartë se çfarë e ka shkaktuar helmimin masiv, ndërsa hetimet për ngjarjen e rëndë vijojnë ende.

Instancat përkatëse po kryejnë analizat edhe në mostrat e ushqimeve, që janë marrë nga lokali ku u helmuan personat.