Gjatë ditës së sotme nga Qendra Korrektuese e Smrekonicës është arratisur i dënuari Faton Hajrizi.

Hajrizi ishte gjithashtu përfitues i fundjavës dhe se herën e fundit që e ka shfrytëzuar  ishte nga data 01 deri më 03 të këtij muaji.

Lidhur me rastin, deri në përfundim të hetimeve janë pezulluar dy oficerë policorë.

Faton Hajrizi është i dënuar për vrasjen e policit rus të UNMIK-ut dhe se kjo është hera e nëntë që ai arrin të arratiset nga burgjet e Kosovës.