Kryeshefi ekzekutiv i Kompanisë Rajonale të Ujësjellësit (KRU) në Gjakovë, Hasan Krasniqi, është arrestuar në një pikëkalim kufitar në perëndim të Bullgarisë më 19 shkurt.
Ky lajm u bë i ditur të premten për Radion Evropa e Lirë nga Ministria e Punëve të Jashtme e Kosovës (MPJ).
“Ministria e Punëve të Jashtme dhe Diasporës e Republikës së Kosovës konfirmon se në mbështetje të informatave zyrtare të pranuara nga Ministria e Jashtme e Republikës së Bullgarisë, shtetasi i Republikës së Kosovës (H.K) është ndaluar më datën 19 shkurt, 2024 në Pikën e kalimit të kontrollit kufitar “Gyueshevo”, tha MPJ.
Nuk është e qartë se mbi çfarë akuzash apo dyshimesh është arrestuar Krasniqi.
Por dyshohet se ai u arrestua me kërkesë të Interpolit në pikëkalimin kufitar të Bullgarisë me Maqedoninë e Veriut, Gyueshevo.
“Shtetasi i Republikës së Kosovës është ndaluar pasi që i njëjti supozohet të jetë person i kërkuar nga Interpoli”, sipas MPJ-së.
Krasniqi u emërua udhëheqës i KRU Gjakovës në fillim të vitit 2022.
Radio Evropa e Lirë nuk mori përgjigje në përpjekjet e saj për t’i kontaktuar zyrtarët e kësaj kompanie.
© SYRI.net
Frikë mos humbin mandatin, 10 deputetë serbë paraqiten në Kuvendin e Kosovës
Dështimi i dialogut, O’Brien: Kosova dhe Serbia po humbasin mundësitë e tyre
Oda Amerikane: Shqetësuese sulmet verbale të liderëve të qeverisë ndaj Kushtetueses
Denonco
Merrni lajmet më të fundit nga SYRI.net në çdo moment dhe kudo që të jeni!
