Volejbollistja Pilar Marie Victoria Lopez, është gjetur e pa jetë në banesën e saj në Bursa të Turqisë mëngjesin e sotëm.

 Sipas mediave të huaja, 29-vjeçarja nuk u paraqit në stërvitjen e mëngjesit të “Nilufer Belediyespor” dhe zyrtarët e ekipit ishin të shqetësuar për të.

Kur arritën në banesën e saj, ata kanë gjetur të renë të vdekur.

Shkaku i vdekjes nuk është bërë i ditur, ndërsa pritet ekspertiza mjeko-ligjore e cila do të zbardhë rastin, ndërkohë që autoritetet kanë nisur hetimet.

Pilar ka lindur në vitin 1995 dhe ishte anëtare e Kombëtares së Puerto Rikos. Volejbollistja 1.82 metra e gjatë luajti për Beziers Angels në Francë dhe më pas u transferua në Nilüfer Belediyespor të Turqisë.