Bluza e Maradonës, dollapi i Bryant, pantallonat e shkurtra të Jordanit dolën në ankand në Nju Jork. Shtëpia e ankandeve ofron 23 artikuj në Koleksionin Altitude Capsule,  që tregojnë historinë e atletëve në kulmin e karrierës së tyre.

Ankandi përfshin dollapin e Kobe Bryant të përdorur gjatë karrierës së tij me Los Angeles Lakers, një fanellë të Diego Maradona nga Kupa e Botës 1986, atlete vrapimi të Florence Griffith Jones dhe një raketë tenisi Rafael Nadal.

Gjithashtu në garë janë edhe fanellat e finales së NBA 2024, të Dallas Mavericks dhe Boston Celtics.

Në total, Sotheby's vlerëson se koleksioni do të sjellë të paktën 2.3 milionë dollarë.

‘Koleksioni kishte me të vërtetë për qëllim të nxirrte në pah atletët në kulmin e karrierës së tyre," tha Hawkes.

"Ne kemi pjesë që kanë vendosur rekorde botërore, që kanë fituar kampionate, të gjitha sa më sipër. Dhe ne mendojmë se kjo me të vërtetë përfshin një gamë të gjerë pjesësh të shkëlqyera sportive."

Java e Sporteve të Sotheby's përmban një seri ankandesh me akses në internet. Koleksioni i "Altitude Capsule Collection" zgjat deri më 2 gusht.