Gwen Stefani sapo tregoi publikisht admirimin që ka për Dua Lipën!

Këngëtarja e njohur e rock-ut ka komplimentuar hitbëresin e ‘Dance The Night’ me postimin e saj të fundit në llogarinë zyrtare në Instagram. Dyshja u takuan me njëra-tjetrën në Festivalin e Radios iHeart 2024, ku Stefani dhe Lipa ishin planifikuar të performonin hitet e tyre.

Në foto, dy këngëtaret shihen gjithë buzëqeshje për kamerën, ndërsa Lipa i dha një puthje kamerës në foton e tretë.

Stefani kishte veshur një minifustan të bardhë me thekë me çizme të bardha deri tek kofshët e kombinuara me gjerdan me perla dhe kryq, aksesorë argjendi dhe flokë të lidhur në një bisht elegant. Ndërsa Lipa, kishte veshur një bluzë në ngjyrë të zezë dhe një fund të ngjashëm me zinxhir, duke e kompletuar look-un e saj minimal me disa bizhuteri dhe flokë të stiluar me kaçurrela.

“U shoqërova me vajzën më të bukur në botë mbrëmë love u dua”, ka shkruar Stefani në postimin e saj.