Dy gra që thonë se janë përdhunuar dhe mbytur nga influencuesi kontravers i mediave sociale, Andrew Tate, kanë folur për BBC për përvojat e tyre.

Një tjetër grua ka pretenduar, për herë të parë, se ajo u përdhunua nga vëllai më i vogël i zotit Tate, Tristan - gjithashtu një influencer me miliona ndjekës.

Vëllezërit Tate, të moshës 37 dhe 36 vjeç, aktualisht përballen me akuza në Rumani për trafikim njerëzor dhe formim të një grupi të organizuar për shfrytëzimin seksual të grave. Andrew Tate është gjithashtu i akuzuar për përdhunim.

Nëse shpallen fajtorë, dy burrat mund të dënohen me më shumë se 10 vjet burg. Ata i mohojnë me forcë akuzat ndaj tyre.

Andrew Tate është aktualisht në arrest shtëpiak në Rumani. Përveç akuzave me të cilat ai tashmë përballet, prokurorët po shqyrtojnë akuza të reja kundër tij , duke përfshirë kryerjen e marrëdhënieve seksuale me një të mitur dhe trafikimin e personave të mitur. Të dy vëllezërit po hetohen edhe për trafikimin e 34 femrave të tjera.

Tani, në një program të ri të BBC Panorama, dy gra britanike që nuk janë përfshirë në çështjen rumune kundër vëllezërve Tate, kanë dhënë rrëfime të hollësishme të dorës së parë të përdhunimit dhe dhunës seksuale të dyshuar nga Andrew Tate. Akuzat datojnë të paktën 10 vjet më parë, kur zoti Tate jetonte në Luton.

Një tjetër grua britanike ka bërë një akuzë të re për përdhunim kundër Tristan Tate, duke thënë se ai i vuri duart rreth fytit ndërsa e bëri këtë.

Anna (jo emri i saj i vërtetë) na tha se doli me Andrew Tate në Luton në 2013. Pas disa takimesh, ajo thotë se u kthye në shtëpinë e tij./ BBC - Syri.Net