Një konkurs rajonal bukurie në Altamira, Brazil përfundoi në tragjedi pasi babai i një prej konkurrenteve filloi të qëllonte mbi gjyqtarët sepse vajza e tij kishte marrë dalë e katërta.
Ngjarja e çuditshme ndodhi më 28 korrik, pas përfundimit të konkursit të bukurisë “II Baile da Escolha da Rainha” në qytetin e Altamira. Rreth disa orë pas përfundimit të konkursit, babai i njërës prej pjesëmarrësve, një fermer i identifikuar si Sebastiao Francisco, filloi të shprehte pakënaqësinë e tij në lidhje me vendin e katërt të vajzës së tij në konkurs, duke vënë në pikëpyetje vendimin e gjyqtarëve dhe kriteret e vlerësimit.
Vendi ku ishte zhvilluar konkursi i bukurisë kishte personelin e sigurimit privat dhe policisë ushtarake, por babait të inatosur duket se nuk i interesonte dhe në një moment nxori armën dhe tentoi të qëllonte mbi një nga gjyqtarët dhe mbi të është qëlluar nga policia.
Sipas dëshmitarëve, Francisco e konsideroi vendin e katërt të vajzës së tij në konkursin e bukurisë si një poshtërim, pasi ai i konsideroi pasardhësit e tij një "fitues të sigurt". I pakënaqur me shpjegimin e gjyqtarëve, ai u përpoq të merrte gjërat në duart e tij, por u qëllua para se të mund të lëndonte njerëz të tjerë. Fermeri u dërgua në spital por ndërroi jetë si pasojë e plagëve të marra.
Thuhet se salla në të cilën ndodhën ngjarjet tragjike ishte e mbushur plot dhe oficerët nuk kishin zgjidhje tjetër veçse të qëllonin në drejtim të babait të zemëruar për të mbrojtur të pranishmit. Ai arriti të qëllonte disa të shtëna me revolen e tij përpara se të rrëzohej dhe një person tjetër u plagos dhe u shtrua në spital./ar/sh/SYRI.NET
© SYRI.net