Reperi i njohur Noizy (Rigels Rajku) dhe Dj Crax (Bahtjar Bajraktari) janë lënë në burg nga Gjykata e Tiranës, pasi akuzohen për dhunë ndaj tiktoker-it Medi Isenit.

Siç e kemi parë përgjatë ditës së djeshme, shumë prej personazheve të njohur dhe kolegë të reperit Noizy, i kanë dalë në krahë teksa kërkojnë lirinë e tij.

Teksa Gjykata e Tiranës mori vendimin për të lënë “arrest me burg” Noizyn ka ardhur një mesazh për reperin nga këngëtari i mirënjohur Alban Skënderaj.

Ky i fundit, ka zgjedhur një citim prej një bashkëpunimi të tij dhe Noizyt dhe shkruan: Mbas shiut do dali dielli! Qëndro i fortë dhe kthehu më i fortë se kurrë!