Komediania e njohur Ellen DeGeneres, ka anuluar katër takime në turneun e saj të komedisë stand-up.

“Fatkeqësisht, organizatorit i është dashur të anulojë shfaqjen tuaj”, thuhej në një njoftim në faqen e “Ticketmaster”, duke renditur shfaqjet në Dallas, San Francisko, Seattle dhe Chicago.

Është e paqartë pse datat janë hequr. Turneu aktualisht është planifikuar të zgjasë deri më 17 gusht. Kjo shënon rikthimin e Ellen në qendër të vëmendjes dy vjet pas anulimit të emisionit të Ellen DeGeneres, pasi punonjësit akuzuan producentët ekzekutivë për toksicitet në vendin e punës.

Karriera televizive e DeGeneres filloi me sitcom-in e saj të njohur Ellen në 1994, në të cilën ajo luante rolin e pronares së një dyqani librash. Në shfaqjen e saj, ajo përmendi se emisioni i saj u anulua pasi doli si homoseksuale. “Kjo është hera e dytë që më përjashtojnë nga biznesi i shfaqjes… Përfundimisht ata do të më përjashtojnë për herë të tretë sepse jam e keqe, e moshuar dhe homoseksuale”, tha ajo.

Ellen është e martuar prej  15 vitesh me Portia de Rossi. Prezantuesja e njohur dhe bashkëshortja e saj shpesh e shprehin dashurinë e tyre publikisht në rrjetet sociale.