Fillimi i një lidhjeje dashurie është kryesisht nën “syzet rozë”. 

Rrallë-herë mund të shohim diçka tjetër përveç pasionit dhe personit përballë, dhe kjo shpesh mund të na çojë në zhgënjim.

Psikologu i ri Daniel Acon ka zbuluar se si mund ta parandaloni veten nga zhgënjimi në dashuri.

Ai këshilloi që në fillim të lidhjes t'i bëni partnerit një pyetje të sikletshme, që ka të bëjë me dashuritë e tij të mëparshme.

"Duhet ta pyesni se si përfunduan marrëdhëniet e tij të mëparshme dhe ku shkuan keq," argumenton ai.

Ai shpjegon se si do ta njihni më mirë karakterin e partnerit tuaj dhe do të dini se çfarë të prisni në të ardhmen.

“Njerëzit në fillim të një lidhjeje përpiqen të tregojnë anën e tyre më të mirë”, kujton ai, duke shtuar se kjo çështje më së shpeshti anashkalohet nga shumica e njerëzve.

Megjithatë, ai pohon se ka një rëndësi të madhe.

Ai e shpërndau videon në TikTok-un e tij dhe mori reagime të shumta nga të cilat mund të konkludohej se përdoruesit janë dakord me të. Disa madje ndanë shembujt e tyre.

“E kam bërë tashmë, më tha që vajzat u ndanë se nuk u dha kohë të mjaftueshme. Për këtë edhe u ndamë dje”, është një nga komentet.

"Do të doja ta kisha ditur më parë. Të dyja ish-të dashurat ishin të fiksuara pas vetes. Atë që më bënë mua, ia bënë çdo djali", theksoi dikush.

Kishte edhe nga ata që konkluduan se është shumë e vështirë të jesh i sinqertë në këtë situatë dhe se shumë do të hasin më shpesh në një gënjeshtër.

“Nuk ia vlen të pyesësh sepse bien dakord shumë lehtë”, përfundoi një person.