Është një nga protagonistët më të dashur dhe simpatik të Hollivudit.

 Herë pas here ka treguar se sa bujar mund të jetë (mos harroni se ofroi 3 milionë dollarë ndihmë pas zjarreve shkatërruese në Australi disa muaj më parë), ndërsa në të njëjtën kohë kolegët e tij nuk e fshehin dashurinë dhe admirimin për të.

Së fundmi, ai na dha një arsye më shumë për ta dashur atë. 

Nuk i ka fshehur asnjëherë shqetësimet për mjedisin dhe dashurinë për kafshët.

 Në një intervistë për Entertainment Weekly, ai zbuloi se si u zhyt në një liqen të ngrirë për të shpëtuar qentë e tij.

Ai shpjegoi se Jack dhe Jill , siç quhen huskit e tij, ranë në një liqen të ngrirë gjatë xhirimeve të Don't Look Up, filmi në të cilin ai luan së bashku me aktoren Jennifer Lawrence.

 Lawrence, e cila ishte me të në intervistë, ka dhënë më shumë detaje se çfarë ka ndodhur saktësisht.

“Një nga qentë ra në liqen. Leonardo u hodh në liqenin e ngrirë për të shpëtuar qenin. Mirëpo, kur do të nxirrte qenin nga liqeni, tjetri u hodh brenda”.

“Qeni tjetër filloi të lëpijë atë që po mbytej dhe më pas ishim të gjithë bashkë në liqenin e ngrirë”  , shtoi aktorja.

“Jam i sigurt që të gjithë pyesni veten se çfarë ndodhi më pas. Ai shkoi menjëherë dhe u zhvesh në makinë ”, shtoi JLaw. 

Regjisori i filmit, Adam McKay, i cili ishte në panel, i përshkroi qentë e Leos si "uraganë"  dhe Lawrence-n ishte dakord.

Leonardo di Caprio dhe e dashura e tij, modelja 24-vjeçare Camilla Morrone, përveç dy huskive, kanë edhe një të tretë, Sally, pasi të dy i duan kafshët dhe kanë dobësi për qentë.