Dramat nuk kanë të ndalur në “Përputhen”.

Ditën e sotme njëra nga konkurrentet më të përfolura, e cila ka shkaktuar jo pak debate brenda programit, ka lajmëruar largimin e saj.

Përmes një statusi në rrjete sociale ajo lajmëroi largimin duke dhënë dy arsye të ndryshme.
Edhe pse tha se ajo po largohet për arsye shëndetësore në po të njëjtin postim zbulon se produksioni ka dyshime për të.

“Përshëndetje miq. Për disa kohë nuk do të jem në program, arsyet nga ana ime janë shëndetësore, por nga ana e produksionit janë papërgjegjshmëria dhe dyshimet e tyre që kanë lidhje me mua si konkurrente. Nëse do të ketë një rikthim do t’ju njoftoj sërish. Jeni më të mirët”, shkruan Antonia.

Kujtojmë se Antonia është akuzuar nga Meliku se ka një lidhje jashtë programit, gjë e mohuar kategorikisht nga ajo.

Vetëm disa ditë më vonë në rrjete sociale u publikua një video ku shihej konkurrentja bashkë me një mashkull në një dyqan rrobash dhe thuhej se ishte ish i dashuri i saj me emrin Ergys.