Sarah Jessica Parker ka dhënë një intervistë per Vogue me rastin e publikimit të sezonit të ri të serialit “Sex and the City”.

Në intervistë, Parker foli edhe për kritikat, që erdhën pas publikimit të fotove, se aktoret duken të vjetra.

"Ka pasur kaq shumë komente mizogjene për pamjen tonë që nuk do t'i bëheshin kurrë një femre... Nuk di çfarë t'u them fare këtyre njerëzve. Ata ankohen se njëri ka shumë rrudha dhe tjetri shumë pak. Duket sikur thuajse nuk duan që ne të jemi në rregull me veten, pavarësisht nëse kemi zgjedhur plakjen natyrale apo jo”, rrëfen ajo.

Përveç kësaj, ajo tha se e di shumë mirë se si duket, por se nuk është e sigurt se çfarë duan të bëjnë për këtë.

"Unë e di se si dukem. Nuk kam zgjidhje tjetër. Çfarë duhet të bëj për këtë? Ndaloni plakjen? Zhdukuni?" tha ajo.

Standardet e dyfishta janë diçka që Parker dhe shumë të famshëm të tjerë e kanë toleruar prej vitesh. 

Megjithatë, ajo beson se në epokën e Instagram, Twitter dhe TikTok, diskutimi për pamjen është bërë edhe më i zhurmshëm.

Ylli i kopertinës së dhjetorit të revistës amerikane Vogue ka pozuar me një fustan Dolce & Gabbana dhe duke gjykuar nga komentet në rrjetet sociale, ajo dukej magjepsëse.