Vokalisti britanik dhe ish-anëtari i UB40 Terence Wilson, i njohur më mirë me emrin e tij artistik Astro, ka vdekur në moshën 64-vjeçare.

Astro, i cili performoi në grupin reggae pop për më shumë se 30 vjet, vdiq pas një sëmundjeje konfirmoi grupi i tij.

"Ne jemi absolutisht të shkatërruar" shkruhej në deklaratë në llogarinë Twitter të Ali Campbell dhe Astro.

"Bota nuk do të jetë kurrë e njëjtë pa të."

Astro iu bashkua UB40 në 1979 - menjëherë pasi u formua grupi - por u largua në 2013 dhe vazhdoi të performojë me grupin e shkëputur UB40 me Ali Campbell dhe Astro, i cili kishte luajtur disa koncerte këtë vit dhe do të shkonte në turne në 2022.

UB40 depërtoi në fillim të viteve 1980 me pamjen e tyre unike ndaj reggae britanike dhe gjeti sukses me hite si Red Red Wine dhe Can't Help Falling In Love.

Grupi me bazë në Birmingham  shiti më shumë se 70 milionë disqe dhe pati tre hite numër një në Mbretërinë e Bashkuar.

Grupi gjithashtu pati sukses në mbarë botën, duke përfshirë SHBA-në, ku Red Red Wine shkoi në vendin e parë, si dhe një tjetër kopertinë, Can't Help Falling in Love with You ishte shtatë javë radhazi në vendin e parë në 1993.

Në një intervistë me Guardian në maj , Astro foli se grupi u bë zëri i pakënaqësisë së njerëzve të klasës punëtore me çështjet politike dhe globale pas formimit të tyre në 1978.

Ndërsa në gusht, anëtari themelues i UB40 dhe saksofonisti Brian Travers vdiq nga kanceri në moshën 62-vjeçare.