Shumë personazhe të famshëm kanë vendosur që t’u thonë stop ndërhyrjeve estetike.
Por ka shumë yje që janë mësuar të punojnë dhe të fitojnë shumë me imazhin e tyre dhe është e vështirë që të pranojnë shenjat e plakjes.
Por, tani ndërhyrjet estetike duket se janë kthyer në modë, e si pasojë Anglia ka ndaluar me ligj injeksionet e botoksit dhe fryrjes së buzëve për personat nën 18 vjeç.
Kjo temë u diskutua në emisionin “Shqipëria Live” në ‘Top Channel’, ku në studio ishte i ftuar gazetari, Hermes Nikaj, (Zogu i Tiranës), i cili pranoi se ka bërë ndërhyrje.
“Unë i bukur kam qenë gjithmonë, por më pëlqen të kurohem shumë. Mijëra fansa nga e gjithë bota më pyesin “O Hermes kush kujdeset për ty, ku je qethur?”. Madje para 10 ditësh më shkruan një klinikë estetike për një reklamë dhe ngrita pjesën e ballit dhe nuk u bëra pishman. Nuk më bëhen rrudha afër syve, në vetulla. Meshkujt kryesojnë në mbarë botën listën për ndërhyrje”, tha ai.
© SYRI.net