Njëra mes Holandës dhe Turqisë do të jetë skuadra e fundit që do të vazhdojë Europianin e Gjermanisë në fazën gjysmëfinale, teksa dy ekipet do të përballen në Berlin me synim të vazhdojnë rrugëtimin në kompeticionin më të rëndësishëm në kontinent.

“Tulipanët” kanë treguar një formë mjaft të mirë deri në këtë pikë të Europianit, por nuk mbetet pas as Turqia e Montellës, që krahas zjarrit ballkanik, ka edhe pjekurinë taktike italiane, që e bën edhe më të fortë në fushën e lojës.

Dy trajnerët kanë ndarë mendjen për formacionet që do të hedhin nga minuta e parë, teksa Montella do të duhet të bëjë pa qendërmbrojtësin Merih Demiral, por rikthehet në fushë kapiteni Hakan Calhanoglu.