Në “Veltins Arena”, të Gelsenkirshenit, “Tre Luanët” e Gareth Southgate, po sfidojnë Sllovakinë, ndeshje e vlefshme për 1/8-at e finaleve të Euro 2024, shkruan Syri.net.
Në minutën e 24, Sllovakia kalon në avantazh falë golit të Schranz.
Një aksion perfekt i djemve të Francesco Calzona u finalizua më së miri nga “fantazisti” i sulmit Ivan Schranz, i cili me një goditje diagonale brenda zonës tund rrjetën e Pickford.
Në fillim të pjesës së dytë, Anglia vendos baraspeshën me anë të Foden. Sulmuesi shënon me portën e boshatisur, pas asistit të marrë nga Trippier. Goli anulohet për pozicion jashtë loje nga VAR-i.
Në “frymën e fundit” të sfidës ka ardhur edhe kundërpërgjigjja e djemve të Gareth Southgate.
Ishte pikërisht “ylli” i tyre, Jude Bellingham, i cili me një goditje akrobatike dërgon topin në rrjetë, duke shokuar portierin Dubravka e duke nisur festën e madhe të anglezëve. Rezultati shkon në 1 me 1 dhe loja pritet të shkojë në kohën shtesë.
© SYRI.net