Të paktën 12 persona kanë vdekur, duke përfshirë tre foshnja dhe 10 persona janë zhdukur pasi një varkë me emigrantë u mbyt në brigjet e Tunizisë mëngjesin e sotëm, jo ​​shumë larg qytetit të Djerba.

Emigrantët po përpiqeshin të kalonin Mesdheun në rrugën e tyre për në Evropë, tha roja bregdetare, siç raportohet nga Reuters.

“Roja bregdetare arriti të shpëtojë 29 persona që po udhëtonin me varkën e mbingarkuar”, tha zyrtari pa emër.

Një grup lokal i të drejtave të njeriut tha se të gjithë emigrantët ishin nga Tunizia, me përjashtim të dy marokenëve.

Tunizia po përballet me një krizë të paprecedentë emigrantësh dhe është bërë, në vend të Libisë, pika kryesore e nisjes për të gjithë ata që duan të arrijnë Evropën në kërkim të një jete më të mirë.