Zëvendës Sekretari i Përgjithshëm i Hezbollahut të Libanit, Naim Qassem, do të mbajë një fjalim në mesditë me kohën lokale, njoftoi grupi në një deklaratë, në fjalimin e parë të një zyrtari të Hezbollahut që nga vrasja e liderit të partisë, Hassan Nasrallah.

Fjalimi i Qassem të hënën vjen disa ditë, pasi Nasrallah u vra në një sulm izraelit të premten.

Izraeli ditët e fundit ka përshkallëzuar sulmet e tij në Liban dhe bombardimet e intensifikuara izraelite gjatë dy javëve kanë vrarë një varg zyrtarësh të lartë të Hezbollahut.

Ushtria izraelite të dielën pretendoi se sulmi që vrau Nasrallah këtë javë gjithashtu "eliminoi" më shumë se 20 anëtarë të tjerë. Hezbollah kishte konfirmuar në një deklaratë se Ali Karaki, komandanti i lartë i grupit në Libanin jugor, u vra gjithashtu në sulmin e së premtes./ Al Arabiya.