Kryeministri hungarez Viktor Orbán ka sulmuar edhe një herë BE-në, duke thënë se dyshon se vendi i tij  do të marrë ndihmë në kohë pas përmbytjeve të përhapura në Evropën Qendrore këtë javë.

 “Me gjithë respektin e duhur, nëse do të kishim pritur që Brukseli të na shpëtonte, uji do të na kishte ardhur deri në qafë”, tha kryeministri në një konferencë për shtyp të enjten në mëngjes.

Hungaria është vendi i fundit që është goditur nga përmbytjet shkatërruese, të cilat kanë vrarë të paktën 21 persona në rajon – edhe pse autoritetet në Budapest nuk kanë raportuar për viktima.

Orban njoftoi në fillim të kësaj jave se ai kishte shtyrë angazhimet e tij ndërkombëtare për shkak të përmbytjeve.

Megjithatë, ai nuk e humbi mundësinë për të diskutuar me Brukselin në përgjigje të një pyetjeje në lidhje me ofertën e Presidentes së Komisionit Ursula von der Leyen për të ndihmuar vendet në rajon.

“Nëse lind një situatë në një vend, ekziston një mekanizëm që mund të aktivizohet me njoftim të njëanshëm”, tha Orban. “Ne e kemi bërë këtë, që do të thotë se Brukseli ka filluar të shikojë nëse duhet apo mund të ofrohet një lloj ndihme”.

“Për momentin, le të shohim anën e mirë dhe me respekt të falënderojmë Brukselin që të paktën mendon për ne,” shtoi Orban.