Një video shfaq momentin kur një peshëngritës për pak sa nuk ngufatet derisa tenton të ngrit 113 kilogramë, derisa në momentet e fundit e vërejtën të tjerët që ishin në palestër dhe e shpëtojnë.

Ai tentoi të ngriste peshat, por që në një moment i përfunduan në fyt dhe mezi arrinte të merrte frymë.

Incidenti ka ndodhur në një palestër fitnesi në qytetin Taoyuan të Tajvanit, ku nga mungesa e oksigjenit filloi i tëri të dridhet dhe për pak sa nuk humbi jetën.

Për fat të mirë peshëngritësit e tjerë e vërejnë në momentet e fundit se po luftonte për jetë, dhe kështu i afrohen dhe ia largojnë nga fyti peshat.

Ai është dërguar me urgjencë në spital për tretman, ku pas intervenimit të mjekëve gjendja e tij shëndetësore është stabilizuar.