Një gjykatës në Xhorxhia hodhi poshtë të enjten dy akuza penale në rastin e ndërhyrjes në zgjedhjet e vitit 2020 në SHBA kundër kandidatit republikan për president, Donald Trump, dhe një akuzë tjetër kundër aleatëve të ish-presidentit.

Gjykatësi i Qarkut Fulton, Scott McAfee, arriti në përfundimin se prokurorët e shtetit nuk kishin autoritetin për të ngritur ato akuza, të cilat kishin lidhje me pretendimet për paraqitjen e dokumenteve të rreme në gjykatën federale.

McAfee lejoi që pjesa tjetër e çështjes të vazhdojë, duke përfshirë tetë akuza kundër Trump.

Trump dhe 14 të bashkëakuzuar të tjerë janë deklaruar të pafajshëm për akuzat e përfshira në ngritjen e një komploti të supozuar për të përmbysur humbjen e ngushtë të Trump në Xhorxhia gjatë zgjedhjeve të vitit 2020./ newsmax/