Papa Françesku paralajmëroi për ndikimet negative të inteligjencës artificiale (AI) në strukturën e shoqërisë gjatë një vizite në Singapor.

Gjatë një pritjeje në qytetin-shtet të teknologjisë së lartë, kreu i Kishës Katolike paralajmëroi se IA nuk duhet t’i bëjë njerëzit të harrojnë atë që është e rëndësishme – marrëdhëniet njerëzore.

”Zhvillimet e teknologjisë rrezikojnë të izolojnë individët dhe t’i vendosin ata në një realitet të rremë”, tha ai.

”Në vend të kësaj, IA duhet të përdoret për t’i afruar njerëzit dhe për të promovuar mirëkuptimin dhe solidaritetin brenda shoqërisë”, shtoi papa.

Papa Françesku i ka bërë thirrje gjithashtu Grupit të Shtatë (G7) demokracive kryesore industriale në samitin e këtij viti të G7-s të mbajtur në qershor në Itali, që të sigurojë që IA të mos lihet jashtë kontrollit.

Singapori është ndalesa e fundit e udhëtimit më të gjatë jashtë vendit të papës 87-vjeçar deri më tani, që zgjat gjithsej 12 ditë.

Para kësaj, ai kishte vizituar Indonezinë, Guinenë e Re Papua dhe Timorin Lindor.

Sipas Vatikanit, nga afro 6,1 milionë banorët e qytetit-shtet, vetëm 176 000 janë katolikë.

Shumica e popullsisë ka rrënjë kineze. Papa Françesku do të kthehet në Romë të premten.