Kryeministri grek Kyriakos Mitsotakis tha të enjten se rritja e flukseve të migracionit nuk mund të adresohet, duke hequr në mënyrë të njëanshme zonën Shengen.

Gjermania këtë javë njoftoi planet për të vendosur kontrolle më të forta në të gjithë kufijtë e saj tokësorë ,në atë që e quajti një përpjekje për të trajtuar migrimin e parregullt.

Kontrollet brenda asaj që është normalisht një zonë e gjerë e lëvizjes së lirë - zona evropiane e Shengenit - do të fillojnë më 16 shtator dhe fillimisht do të zgjasin për gjashtë muaj.

"Përgjigja nuk mund të jetë heqja e njëanshme e Shengenit dhe hedhja e topit te vendet që qëndrojnë në kufijtë e jashtëm të Evropës," tha Mitsotakis në një intervistë me një radio greke.

Ai tha se një zgjidhje do të përfshinte "një kompromis të drejtë" midis të gjitha vendeve evropiane, të cilat do të pranonin nevojën për të mbrojtur kufijtë e jashtëm të Evropës./ Reuters.