Vera e vitit 2024 ishte më e ngrohta në histori në Tokë, sipas Shërbimit të Ndryshimeve Klimatike Copernicus, shkruajnë mediat e huaja.- Advertisement -

Ishte gjithashtu më e ngrohta në të gjithë Evropën me 1.54 C mbi mesataren afatgjatë 1991-2020, duke tejkaluar rekordin e mëparshëm nga viti 2022.

Gushti ishte gjithashtu muaji i 13-të në një periudhë 14-mujore ku temperatura mesatare globale tejkaloi 1.5C mbi nivelet para-industriale.

Pavarësisht se Britania e Madhe ka verën e saj më të freskët që nga viti 2015, pjesa më e madhe e Evropës përjetoi një verë më të nxehtë se mesatarja.

Temperaturat vazhdojnë të rriten

Deri më tani këtë vit temperatura mesatare globale ka qenë 0.7C mbi mesataren e viteve 1991-2020, që është më e larta e regjistruar.

Prandaj ka gjithnjë e më shumë gjasa që viti 2024 të jetë viti më i ngrohtë i regjistruar në botë, sipas Copernicus, shërbimi klimatik i BE-së.

Kujtojmë se edhe vitin e kaluar temperaturat mesatare globale arritën një rekord të lartë.