Gjashtë javë pas atentatit kundër Donald Trump-it, FBI-ja ende nuk e di se çfarë e motivoi agresorin.

"Analiza e gjerë e historisë së kërkimit në internet të subjektit, si dhe aktiviteti i tij specifik në internet na ka dhënë një pasqyrë të vlefshme për mentalitetin e tij, por jo një motiv definitiv," u tha gazetarëve të mërkurën Kevin Rojek, kreu i zyrës së FBI-së në Pittsburgh.

Deri tani, shtoi ai, FBI-ja nuk sheh "asnjë ideologji definitive...  as me prirje majtas apo djathtas" të lidhur me agresorin, Thomas Crooks.

Përkundrazi, Crooks kishte "një plan të qëndrueshëm e të detajuar për të planifikuar një sulm në ndonjë aktivitet" dhe konsideroi objektiva të shumta, sipas Rojekut. Ai u bë "tejet i përqendruar" në mitingun e Trump-it me 13 korrik në Butler të Pensilvanisë, pas njoftimit. Crooks qëlloi tetë herë në drejtim të Trump-it nga një çati atë ditë, duke vrarë një person në turmë, duke plagosur dy të tjerë dhe duke i gërvishtur veshin Trump-it. Brenda pak sekondash, një snajper i Shërbimit Sekret qëlloi dhe vrau Crooks-in.

Nuk ka shenja se Crooks kishte ndonjë bashkëpunëtor ose kishte lidhje me entitete të huaja, thanë zyrtarët.

FBI ka aksesuar dhe analizuar materiale nga llogaritë e koduara të emailit që ai kishte përdorur, shtuan zyrtarët.

Në shtator të vitit 2023, një llogari e lidhur me Crooks-in u përdor për të kërkuar për orarin e fushatës së Trump-it dhe daljet e ardhshme në Pensilvani. Më pas, nga prilli deri në korrik të vitit 2024, Crooks kërkoi për aktivitete të fushatës si për presidentin Joe Biden – i cili garonte për rizgjedhje në atë kohë – ashtu dhe Trump-in. Me 6 korrik, ai u regjistrua për të marrë pjesë në mitingun e Trump-it në Butler dhe kërkoi: "Sa larg ishte Oswald nga Kennedy?" Atë ditë, ai kërkoi gjithashtu për "Ku do të flasë Trump-i në Butler Farm Show?" "Podiumi i Butler Farm Show" dhe "Fotografitë e Butler Farm Show."

Në 30 ditët para sulmit, Crooks kreu më shumë se 60 kërkime në internet në lidhje me Biden-in dhe Trump-in, duke përfshirë vendndodhjet e kongreseve të Demokratëve dhe Republikanëve, thanë autoritetet.

Dhe që në shtator të vitit 2019, ai kërkoi informacione rreth eksplozivëve, duke përfshirë mënyrën e krijimit të një bombe me humus dhe se si funksionojnë detonatorët në distancë. Crooks kishte dy eksplozivë të bërë vetë në makinën e tij në kohën e të shtënave dhe laboratori i FBI-së arriti në përfundimin se materialet që ai përdori për t'i ndërtuar, ishin të ligjshme për t'u blerë dhe të disponueshme në internet.

Crooks fluturoi një dron mbi terrenin e aktivitetit të  Butler-it nga ora 3:51 pasdite. deri në 4:02 pasdite  në ditën e të shtënave, tha Rojek. Crooks mund të ketë mbledhur njohuri rreth "qëndrimit të sigurisë" në aktivitet.

"Ne kurrë nuk do të jemi në gjendje të përcaktojmë motivimin e saktë se pse subjekti e ngriti dronin," shtoi ai.

FBI-ja gjithashtu arriti në përfundimin se Crooks lëvizi nëpër çati të shumta në vendin e mitingut ga ora 6:05 deri në 6:11 pasdite në ditën e atentatit, bazuar në pamjet e kamerës nga një biznes lokal, si dhe pamjet e kamerave të policisë dhe kamerave të trupit./Politico - Syri.net