Protestuesit izraelitë, duke përfshirë të afërmit e robërve të mbajtur në Gaza, kanë bllokuar një autostradë kryesore në Tel Aviv të martën për të kërkuar një marrëveshje për shkëmbimin e të burgosurve me palestinezët.

Protestuesit bllokuan autostradën Ayalon në Tel Aviv, duke ngritur pankarta të cilat i bënin thirrje qeverisë së kryeministrit Benjamin Netanyahu të arrinte një marrëveshje për shkëmbimin e të burgosurve me Hamasin.

Opozita izraelite dhe familjet e pengjeve akuzojnë qeverinë Netanyahu për sabotim sistematik të përpjekjeve për të arritur një marrëveshje shkëmbimi me Hamasin për të shmangur kolapsin e koalicionit qeverisës.

Për muaj të tërë, SHBA, Katari dhe Egjipti janë përpjekur të arrijnë një marrëveshje midis Izraelit dhe Hamasit për të siguruar një shkëmbim të burgosurish dhe një armëpushim dhe për të lejuar hyrjen e ndihmave humanitare në Gaza.

Por përpjekjet e ndërmjetësimit kanë ngecur për shkak të refuzimit të Netanyahut për të përmbushur kërkesat e Hamasit për të ndaluar luftën.