Elon Musk ka mohuar pretendimet se i ka dhuruar një kamionçinë Tesla Cybertruck, gjeneralit rus dhe komandantit çeçen, Ramzan Kadyrov.

Miliarderi iu përgjigj zyrtarit ukrainas Anton Gerashchenko, i cili postoi pamjet në X.

Kadyrov said he received a Tesla Cybertrack from Elon Musk. He promised to send it to the "special military operation" zone and attached a machine gun to it.

"Elon, thank you! Come to Grozny, I will receive you as the most dear guest! I do not think that our Russian MFA will be… pic.twitter.com/m72fg2G2PU

— Anton Gerashchenko (@Gerashchenko_en) August 17, 2024

Sipas z. Gerashchenko, komandanti i luftës tha se do të dërgonte automjetin, në të cilin ai duket se kishte vendosur një mitraloz, në vijën e frontit.

Sipas një përkthimi nga zyrtari ukrainas, Kadyrov falënderoi Musk për automjetin, përpara se ta ftonte në Grozny, kryeqyteti i Çeçenisë, ku do të pritej “si mysafiri më i dashur”.

Musk, i cili është CEO i Tesla Motors dhe gjithashtu zotëron X, mohoi pretendimin në një koment në platformën e mediave sociale.

Ai shkroi në X: “A je seriozisht kaq ‘i vonuar’ sa mendon se i kam dhuruar një Cybertruck një gjenerali rus?”.