Përmes një dekreti, presidenti i Kolumbisë Gustavo Petro ka ndaluar eksportet e qymyrit në Izrael, për shkak të luftës së tij gjenocidale në Gaza.
Dekreti, i publikuar në faqen e internetit të presidencës së Kolumbisë, mban datën 14 gusht, sipas Bloomberg.
Vendi i Amerikës Latine është furnizuesi më i madh i qymyrit për Izraelin. Në qershor, Petro njoftoi se vendi i tij do të pezullonte eksportet e qymyrit në Izrael dhe furnizimet do të rifillonin "kur të ndalonte gjenocidi" në Gaza.
Presidenti kolumbian ndërpreu marrëdhëniet diplomatike me Izraelin në maj, duke thënë se vendi i tij nuk mund të mbajë marrëdhënie me regjimin "gjenocidal" të kryeministrit Benjamin Netanyahu. Petro është shprehur në raste të ndryshme kundër sjelljes së Izraelit gjatë luftës së tij në territorin palestinez.
© SYRI.net