Elon Musk bisedoi me Donald Trump-in për dy orë në X mbrëmjen e së hënës dhe shtabi elektoral i Kamala Harrisit u turfulloi dhe bëri retorikë të çmendur, madje duke thënë edhe që Musk-u po përpiqet të "kontrollojë demokracinë tonë" duke ... duke bërë një bisedë me një nga dy kandidatët tanë kryesorë presidencialë?
Problemi është se Musk-u i bëri të njëjtën ftesë Harrisit.
Ajo nuk e ka pranuar ende ftesën e titanit të teknologjisë.
Gjë që është e çuditshme; nëse ajo dhe ekipi i saj janë kaq të shqetësuar për kërcënimin që Trump-i paraqet për demokracinë, pse të mos dalë në X?
Një bisedë me Musk-un do të ofronte një mundësi për të folur pa filtra para një audience të gjerë në të gjithë spektrin ideologjik, madje edhe të ndryshojë disa opinione.
Por problemi i vërtetë i Harrisit është pikërisht aspekti "pa filtra".
E vërteta është se pa teleprompter ajo është pothuajse po aq e keqe sa shefi i saj aktual.
Dhe ajo nuk ka as justifikimin e moshës së thyer, supozohet të jetë kandidatja e energjisë rinore!
Kjo nuk i ndalon çorbat e fjalëve. Ndryshimet e befta të opinioneve. Kakarisjet e çuditshme.
Paaftësia e saj e plotë për të funksionuar jashtë skenarit është pa dyshim arsyeja pse shtabi i saj elektoral ka refuzuar të bëjë ndonjë dalje domethënëse para shtypit që kur ajo mori dritën jeshile për të qenë kandidate më shumë se tri javë më parë.
Kjo dhe fakti që më pak se tre muaj para zgjedhjeve presidenciale, kandidatja demokrate vazhdon të jetë hermetike për platformën e saj politike.
Dreqi e mori, ajo as nuk del drejtpërdrejt për të tërhequr zyrtarisht mbështetjen e saj për një ndalim të fracking (thyerjes hidraulike) ose për nxjerrjen nga burgu të protestuesve të dhunshëm të majtë: Ndihmësit e saj thjesht i shpallin këto akrobaci vendimesh, duke shmangur çdo pyetje të bezdisshme se pse i ka mbajtur ajo ato qëndrime, pse ka hequr dorë prej tyre (përveçse "të nxjerrin keq në sondazhe") dhe pse nuk duhet të presim që ajo të ndryshojë sërish qëndrim fill pas ditës së zgjedhjeve.
Mediat, në përgjithësi, nuk janë të interesuara të imponojnë asnjë nga këto çështje.
Kjo për shkak se gazetat si New York Times dhe të tjerë janë tejet të interesuar për t'u siguruar që ajo të fitojë (prandaj i japin mbulim të pafundmë të moderuar).
Por, duke lënë mënjanë neglizhencën kriminale të shtypit, Musk-u të jetë i sigurt që Harrisi nuk do ta pranojë ftesën e tij.
Dreqi e mori, a do të jepte ajo të paktën një intervistë pa skenar me një gazetar servil? (Fundja, ajo do ta zgjidhte vetë.)
Çdo gjë që ajo ka për të thënë, përveçse "Përshëndetje, të gjithëve, unë nuk jam Donald Trump-i," është aq radikale sa do ta tmerronte publikun amerikan.
Dhe ajo ka ndër mend ta mbajë këtë të fshehtë derisa të jetë shumë vonë. /NyPost/
© SYRI.net