Pas më shumë se një jave, platforma online Instagram është sërish e aksesueshme në Turqi. “Blloku në Instagram është hequr”, shkroi Ministri i Infrastrukturës Abdulkadir Uraloglu në X. U arrit një marrëveshje me kompaninë mëmë të Instagramit Meta për fshirjen e përmbajtjes kriminale.

Të premten e javës së kaluar, Instagram u bllokua përfundimisht dhe që atëherë platforma mund të aksesohet vetëm nga Turqia, përmes lidhjeve të mbrojtura të rrjetit (VPN). Sipas raportimeve të mediave, rreth 57 milionë njerëz përdorin Instagramin në Turqi.

Pak para bllokimit, drejtori i komunikimit Fahrettin Altun akuzoi Instagramin për bllokimin e shprehjeve ngushëlluese për liderin e huaj të vrarë të Hamasit, Ismail Haniyeh dhe akuzoi platformën për censurë. Ankaraja mban marrëdhënie të mira me Hamasin islamik. Presidenti Rexhep Tajip Erdogan u takua me Haniyeh në Stamboll vetëm në prill. Pas vrasjes së Haniyeh në kryeqytetin iranian Teheran, qeveria turke urdhëroi një ditë zie kombëtare.

Turqia ka denoncuar sulmet e Izraelit në Gaza, ka bërë thirrje për një armëpushim të menjëhershëm dhe ka kritikuar atë që ajo e quan mbështetje të pakushtëzuar për Izraelin nga Perëndimi. Ndalimi nëntëditor shkaktoi protesta nga përdoruesit dhe bizneset e vogla, që arrijnë te klientët e tyre përmes platformës.

Turqia renditet e pesta në botë për sa i përket përdorimit të Instagramit, me më shumë se 57 milionë përdorues, pas Indisë, Shteteve të Bashkuara, Brazilit dhe Indonezisë, sipas platformës së të dhënave Statista.

Turqia ka denoncuar sulmet e Izraelit në Gaza, ka bërë thirrje për një armëpushim të menjëhershëm dhe ka kritikuar atë që ajo e quan mbështetje të pakushtëzuar për Izraelin nga Perëndimi.