Ndërsa lëvizte nëpër X, një historian arti vuri re diçka intriguese mbretërore në sfondin e një fotoje...
Një portret i famshëm i humbur prej kohësh i mbretit Henry VIII është zbuluar pasi një historian arti e ka parë atë në sfondin e një fotoje të postuar në rrjetet sociale.
Piktura fillimisht ishte pjesë e një grupi prej 22 portretesh të porositura në vitet 1590 nga prodhuesi britanik i tapiceri Ralph Sheldon. Fillimisht ishte varur në Weston House, shtëpinë e Sheldon në Warwickshire, por sot, vetëm disa piktura nga koleksioni kanë mbijetuar.
Historiani i artit Adam Busiakiewicz, një konsulent për shtëpinë e ankandit Sotheby's, vuri re papritur pikturën në sfondin e një fotoje të postuar nga Warwickshire Lieutenancy në rrjetin X më 4 korrik.
Fotografia tregon një pritje në Shire Hall në Warwick, vetëm 14 milje nga vendi ku piktura ishte varur fillimisht në Weston House.
Në një postim në X, Busiakiewicz përshkruan veçorinë unike të pikturave në grupin e Sheldon-it si "me maja të rrumbullakosura", të cilat fillimisht i ranë në sy.
Pas inspektimit të fotografisë, Busiakiewicz, i cili ka lindur në Warwick dhe tani ndodhet në Londër, informoi autoritetin vendor për dyshimin e tij në lidhje me origjinën e pikturës.
Këshilli i Qarkut Warwickshire më pas e ftoi atë të inspektonte veprën e artit, e cila përshkruan mbretin - i njohur për gjashtë bashkëshortet e tij dhe oreksin legjendar - me një kapelë dhe zinxhirë të përpunuar të artë, duke mbajtur një shpatë.
Këshilli i Qarkut Warëickshire deklaroi se pas zbulimit, vepra e artit u zhvendos në Qendrën e Koleksioneve të Muzeut për kërkime të mëtejshme.
"Seria prej 22 portretesh e mbretërve, mbretëreshave dhe figurave ndërkombëtare të politikanit vendas të Warwickshire dhe prodhuesit të sixhadeve, Ralph Sheldon, u shpërnda në vitin 1781. Ato dallohen për faktin se kanë maja tëe rrumbullakosura. Këtu janë imazhet e mbijetuara të Wolsey, Richard III dhe Earl of Essex."
"Piktura e Warwick e Henry VIII ka të njëjtën majë të harkuar dhe është e përshtatur në një kornizë përkatëse si shembujt e tjerë që kanë mbijetuar. Për më tepër, një gdhendje e frizës së Weston House tregon të njëjtën përbërje për Henrin siç gjendet në pikturën e Warwick."
The local Warwickshire politician and tapestry maker Ralph Sheldon’s set of 22 portraits of Kings, Queens and international figures was dispersed in 1781. They are distinctive for having rounded tops. Here are surviving images of Wolsey, Richard III and the Earl of Essex. pic.twitter.com/1yMSGfFPMH
— Adam Busiakiewicz (@Adam_FineArt) July 7, 2024
Edhe pse disa piktura nga grupi prej 22 janë ekspozuar aktualisht në Galerinë Kombëtare të Portreteve në Londër, Kolegjin Eton dhe Shtëpinë Knebworth, shumë të tjera mbeten ende të zhdukura.
Aktualisht po zhvillohen kërkime për të përcaktuar se si portreti i Henry VIII përfundoi në Sallën e Shire.
© SYRI.net