Francesca Deidda, trupi i së cilës u gjet brenda një çante, raportohet se është goditur me një mjet të mprehtë në anën e djathtë të ballit.
42-vjeçarja u zhduk në San Sperate më 10 maj dhe u gjet e pajetë në një çantë në një fshat midis Sinnai dhe San Vito.
Sipas rezultatit të autopsisë, ajo kishte vetëm një goditje në anën e djathtë të ballit, ndërsa nuk janë konstatuar shenja dhune.
Sipas hetuesve, ajo është goditur teksa po flinte gjumë dhe dyshohet se ngjarja ka ndodhur në divanin e shtëpisë.
Ndërkohë është kërkuar që të kryhet kontroll i ri si në shtëpinë në San Sperate ku gruaja jetonte me të shoqin, ashtu edhe në fshatin pranë “Sardinian Orientale”, ku u gjet trupi.
Dyshohet se çanta me trupin e 42-vjeçares të jetë hedhur nga dritarja e pasme e banesës për të shmangur transportimin e saj nga shkallët në pjesën e përparme të pallatit.
Megjithatë, ende nuk është bërë e mundur të përcaktohet momenti i vdekjes së Francesca Deidda.
Sipas akuzës, ajo u vra nga bashkëshorti i saj, Igor Sollai, i cili ndodhet në burgun në Uta për vrasje me dashje dhe fshehje kufome. Arma e krimit, një objekt i mprehtë, nuk është gjetur ende.
© SYRI.net