Ligji për luftëtarët e paligjshëm u jep forcave izraelite fuqinë për të arrestuar sistematikisht palestinezët, duke i mbajtur ata në izolim, pa akses te avokatët ose pa kontakt me familjet e tyre, thekson organizata joqeveritare për të drejtat e njeriut.
Raporti bazohet në dëshmitë e 27 ish-të burgosurve palestinezë, duke përfshirë pesë gra dhe një djalë 14-vjeçar, të cilët pretendonin torturë dhe trajtim çnjerëzor ose poshtërues nga ushtria izraelite.
Një pediatër 57-vjeçar – i cili u arrestua gjatë një bastisjeje në një spital në Gaza në dhjetor 2023 – tha se ai ishte i lidhur me pranga dhe sytë e lidhur për 45 ditë në një kamp, ku ishte i uritur dhe i rrahur vazhdimisht.
Deri më tani nuk ka pasur një reagim zyrtar nga autoritetet izraelite për këtë raport të Amnesty International. Izraeli ka mohuar vazhdimisht akuzat për torturë dhe keqtrajtim të të burgosurve palestinezë.
Amnesty International kritikon ashpër Ligjin për luftëtarët e paligjshëm, i cili u lejon autoriteteve izraelite të arrestojnë në mënyrë arbitrare këdo që ata e konsiderojnë të dyshimtë dhe t’i mbajnë në izolim pa asnjë provë për të vërtetuar pretendimet e tyre.
© SYRI.net