Seul, Kore e Jugut - Koreja e Veriut rifilloi hedhjen e balonave që ka të ngjarë të transportonin mbeturina, drejt Koresë së Jugut të enjten.
Shefat e Shtabit të Përbashkët të Koresë së Jugut thanë në një deklaratë se balonat po fluturonin në veri të Seulit, i cili është rreth një orë larg me makinë nga kufiri, të enjten pasdite.
Shtabi paralajmëroi qytetarët e Koresë së Jugut që të jenë të kujdesshëm ndaj objekteve që binin dhe të raportonin tek autoritetet nëse dallonin balona në tokë.
Duke filluar nga fundi i majit, Koreja e Veriut ka shpërndarë më shumë se 2,000 tullumbace që mbanin letra mbeturina, copa rrobash, bishta cigaresh dhe madje edhe pleh organik drejt Koresë së Jugut, duke thënë se ato ishin në përgjigje të aktivistëve të Koresë së Jugut që dërgonin fletëpalosje politike në Veri nëpërmjet balonave të tyre. Por në balona nuk u gjetën materiale të rrezikshme.
Si përgjigje, Koreja e Jugut pezulloi një marrëveshje të reduktimit të tensionit të vitit 2018 me Korenë e Veriut, duke rifilluar transmetimet propagandistike për një kohë të shkurtër dhe stërvitjet ushtarake të vijës së përparme me zjarr të drejtpërdrejtë në zonat kufitare.
Fushatat e stilit të Luftës së Ftohtë midis Koreve kishin pushuar në qershor pasi Koreja e Veriut dërgoi për herë të fundit balona me mbeturina drejt Koresë së Jugut .
© SYRI.net