Presidenti ukrainas Volodymyr Zelensky kritikoi të hënën vizitën e homologut të tij indian në Moskë si një “zhgënjim të madh dhe një goditje shkatërruese për përpjekjet për paqe”, në të njëjtën ditë kur një raketë rusen goditën një spital fëmijësh në Kiev.

Kryeministri indian Narendra Modi u takua me Presidentin rus Vladimir Putin në rezidencën e tij në Novo-Ogaryovo jashtë Moskës të hënën, ndërsa 900 kilometra larg raketa ruse ranë mbi qytetet ukrainase në një sulm në orën e pikut të mëngjesit që vrau të paktën 38 njerëz dhe plagosën 190 të tjerë, shkruan CNN.

Udhëtimi dyditor i Modit shënon vizitën e tij të parë në Rusi që kur Putin filloi pushtimin e tij në shkallë të plotë të Ukrainës gati dy vjet e gjysmë më parë, me imazhe dhe video të hënën që tregojnë dy liderët duke u përqafuar, duke biseduar me çaj, duke hipur në një automjet elektrik dhe duke parë një shfaqje me kuaj.

“Është një zhgënjim i madh dhe një goditje shkatërruese për përpjekjet për paqe të shohësh liderin e demokracisë më të madhe në botë të përqafojë kriminelin më të përgjakshëm në botë në Moskë në një ditë të tillë”, tha Zelensky në një postim në X të hënën, duke iu referuar sulmeve vdekjepurëse ruse.

Bombardimi në shkallë të gjerë gjatë ditës goditi kryeqytetin Kiev, dhe qytete duke përfshirë Dnipro, Kryvyi Rih, Slovyansk dhe Kramatorsk – disa prej të cilave janë zona shumë të populluara larg vijave të frontit.

Në Kiev, 28 persona u vranë, duke përfshirë katër fëmijë, tha të martën Shërbimi Shtetëror i Emergjencave të Ukrainës. Dy persona u vranë dhe të paktën 16 të tjerë u plagosën në sulmin në spitalin Okhmatdyt të Kievit.

Institucioni është qendra më e madhe mjekësore për fëmijë në Ukrainë dhe ka qenë jetike në kujdesin e disa prej fëmijëve më të sëmurë nga i gjithë vendi.