Presidenti Joe Biden u tha guvernatorëve demokratë gjatë një takimi në Shtëpinë e Bardhë të mërkurën se një pjesë e planit të tij në vazhdim është të ndalojë planifikimin e eventeve apo takimeve pas orës 20:00, në mënyrë që të mund të flejë më shumë, sipas tre burimeve të informuara për komentet e tij, shkruan CNN.
Vërejtjet, të raportuara për herë të parë nga 'The New York Times', erdhën pasi 81-vjeçari Biden u përpoq të siguronte një grup prej më shumë se 20 liderësh shtetërorë për aftësinë e tij për të mposhtur ish-presidentin Donald Trump në nëntor dhe për të qeverisur në mënyrë efektive për katër vjet të tjerë.
Komenti i Biden i la disa nga guvernatorët në dhomë të irrituar, thanë burimet për CNN.
Shtëpia e Bardhë nuk komentoi menjëherë në lidhje me atë që tha presidenti. Një ndihmës i fushatës së Biden argumentoi se Biden ishte i angazhuar në orë pune zyrtare përveç orëve të punës në fushatë.
“Presidenti (George W.) Bush shkonte në shtrat në orën 9 pm dhe Presidenti (Barack) Obama shtronte darkën në orën 6:30 pm”, tha zëdhënësi i fushatës së Biden, Kevin Munoz.
Vetë Biden të enjten sinjalizoi se synon të mbetet në garë, duke u thënë anëtarëve të shërbimit ushtarak dhe familjeve të tyre se do të qëndrojë në garë.
© SYRI.net