Keir Starmer është në rrugën e duhur për një fitore dërrmuese në zgjedhjet në Mbretërinë e Bashkuar, duke rikthyer laburistët në pushtet dhe duke i dhënë fund 14 viteve të udhëheqjes konservatore, raporton The Guardian.

Sondazhi i orës 22:00, i përpiluar në emër të tre transmetuesve kryesorë të lajmeve, parashikoi se laburistët do të fitonin 410 vende, duke siguruar një shumicë prej 170, ndaj 131 të Konservatorëve.

Liberal Demokratët pritej të merrnin 61 vende, Partia Kombëtare Skoceze 10, Reforma në Mbretërinë e Bashkuar 13, Plaid Cymru 4 dhe të Gjelbrit 2.

Në zgjedhjet e fundit të përgjithshme në 2019, konservatorët kishin një shumicë prej 80, me 365 vende kundrejt 203 të Laburistëve.