Presidenti ukrainas Volodymyr Zelensky tha sot se rruga e Ukrainës drejt Europës nuk është vetëm politike dhe gjeografike, por edhe ideologjike.

“Ajo rrugë zhvillohet në drejtime të ndryshme: Kharkiv, Kupyan, Zaporizhzhya, Siver dhe drejtime të tjera. Kjo rrugë është e vështirë, por Ukraina do t’ia dalë.

Sepse ne po e kalojmë atë së bashku, në çdo cep të Ukrainës, që është, sigurisht, një vend evropian dhe që sigurisht do të jetë paqësor”, tha Presidenti Zelensky.

Zelensky theksoi se rruga e Ukrainës drejt Europës filloi “jo dje, as një vit më parë, as në 1991” dhe se u forcua nga breza të ndryshëm që luftuan për një Ukrainë të pavarur europiane.