John Kirby, zëdhënësi i Sigurisë Kombëtare të Shtëpisë së Bardhë, në një konferencë tha se Ukraina duhet të fitojë luftën kundër Rusisë përpara se të anëtarësohet në NATO, transmeton Ukrinform. “Aleanca ka folur për këtë dhe Shtetet e Bashkuara sigurisht kanë folur për të. Ukraina duhet ta fitojnë këtë luftë së pari [para se të bashkohen me aleancën]. "Ne po bëjmë gjithçka që mundemi për t’u siguruar që ata mund ta bëjnë këtë”, shprehet Kirby. Ai gjithashtu vuri në dukje se pas përfundimit të luftës, Ukraina do të kishte një kufi të gjatë me Rusinë dhe një kërcënim të vazhdueshëm të sigurisë.

Sipas Kirby, administrata presidenciale e SHBA beson se “NATO është në të ardhmen e Ukrainës”. “Ka sigurisht gjëra të tjera që duhen bërë që çdo komb të bashkohet me aleancën”, shtoi ai.

Kirby tha se një marrëveshje dypalëshe sigurie do ta ndihmonte Ukrainën të mbrohet ndërsa Ukraina punon “për gjërat e nevojshme” që duhet të bëjë si çdo anëtar i aleancës përpara se të bashkohet me NATO-n.